LE MAT DE CHANEL - FW2018

Chanel今季嘅collection 包裝上已經俘虜咗我嘅心，因為佢今季竟然出嘅係matte包裝，好值得收藏！不過今次呢個系列 無論係顏色定產品 全部都好實用呢！

Les 4 Ombres #308 Clair-Obscur HK$495 / 2g

首先就當然要講下我最愛嘅眼影啦！除咗盒仔係matte包裝之餘，眼影都係matte的大地色。有兩個warm tone, 兩個cool tone，可以 mix and match咁用。

質地係matte色嚟講 我覺得算係幾易推開，不過用掃抓粉嘅時候有小小飛粉。

4個字：簡單，實用！Quality都相當唔錯。以前覺得Chanel嘅眼影又唔顯色又難用，但係見證住formula有進步！當然如果性價比嚟講 市面上會有更便宜的選擇，但係如果好似我呢d鍾意收藏特別包裝 或者如果你想買一個 實用，包裝又靚嘅眼影，呢個係值得買㗎！

Stylo Ombre et Contour Kohl Eyeshadow #Contour Clair HK$300 / 6g

呢支眼影輪廓筆非常順滑同顯色 

由於我當日化咗同色系嘅眼影，我覺得上面再搽呢隻色就唔多覺。如果單化佢做眼影，都幾方便。持久度亦都非常好，去到夜晚都原封不動的！佢另外有出黑色同埋深藍色可供選擇。

Le Rouge Crayon de Couleur Mat HK$290 / 1.2g

另外我好期待嘅產品就係唇膏筆但係matte版！本身已經好鍾意佢地嘅唇膏筆，方便之餘 產品質素非常好！今次亦都唔例外，very pleasantly surprised!

Total有6隻顏色，我收到五隻色試比大家睇！

首先最滿意嘅係佢顯色度非常好！基本上Opacity有95%, 搽一次就已經可以覆蓋本身嘅唇色。第二就係佢非常順滑，我冇預先搽潤唇膏 佢都唔會點'kick‘唇紋 （我嘅嘴唇出名超級超級乾！）

最後就係持久度 - 我當日測試佢嘅時候 搽咗上嘴 大約半個小時後去吃嘢飲嘢再刷牙 再用紙巾印一印 - 基本上係冇甩過咁，好神奇！到我卸妝嘅時候，都唔算好難卸。我用普通卸妝水整體都輕易卸得曬 而深色嘅shade 就只留低好淡嘅顏色 （好似嘴唇 tint咗咁) 。我搽咗成日 都冇話乾到脫皮或者需要補搽潤唇膏～ 

呢個係very good, 如果有多d淺嘅顏色選擇就好了！

效果係matte得嚟 都會有小小sheen，唔會全matte好怪咁，formula做得好好！

Rouge Allure Ink HK$290 / 6ml

Rouge Allure Ink我一向都好鍾意，今季 total有4隻顏色選擇，我就示範其中兩隻色～

呢一個嘅formula我好鍾意係因為佢都係一d都唔乾。佢嘅顯色度比起 Le Rouge Crayon會相對低小小, opacity有70%左右，亦可慢慢build up。同樣佢嘅matte效果 唔係全matte，都會有小小水潤感 所以佢都唔會好乾。持久度就冇Le Rouge Crayon咁好，同埋唔知係咪我當日已經試太多唇色，搞到 到我試呢個嘅時候嘴唇已經有d損而導致上得唔均勻。不過平時呢個嘅formula我都好鍾意

不過我個人試過嚟嚟去去都係果幾隻色 - 一係就係深紅，一係就係burgundy, sharp嘅粉紅或者nude 色，覺得佢地好小出d 淡粉紅（唔知係咪我太耐冇去睇啦 ～）

 Le Vernis Velvet Nail Colour HK$210 / 13ml

我自己冇搽指甲油嘅習慣 （我做開gel甲) 不過都分享埋呢個系列嘅指甲油先！今次連指甲油都推出 matte包裝 同埋 霧面嘅指甲油配方！ Ultime係一個番茄紅色，而 Profondeur好似好深色咁，但搽出嚟其實係一個grape purple帶小小fuschia, 隻色都幾特別！

今個系列嘅產品 會唔會有興趣試呢？